Alcuentru col agua

Alcuentru col agua

La fonte de Boriñes

Tenemos que volver hasta mediaos del sieglu XIX, más concretamente a 1855, pa dar entamu a la historia. Nesi añu descúbrese la fonte La Victoria, filu conductor d’esti rellatu que nos trai y nos lleva nel tiempu. Les característiques de la so agua minero-melicinable prebáronse aína y, dempués d’unos años d’esplotación probe, en 1892 inaugúrase’l Balneariu de Boriñes, un edificiu acoyedor y elegante, con toles comodidaes de la dómina y con capacidá pa 100 persones. Foi unu de los acontecimientos más relevantes del momentu y cuntó cola presencia de grandes personalidaes del mundu de la cultura y de la política. La prensa rexonal y nacional faló d’ello y son munches les menciones qu’alcontremos nos principales periódicos de la dómina. L’apertura del edificiu cuasi coincidió nel tiempu cola llegada de la llinia de ferrocarril dende Uviéu a L’Infiestu y, darréu, a la vecina Villamayor, onde la estación pasó a denomase Villamayor-Boriñes.

Entamaba asina una nueva etapa d’esplendor. Funcionó delles décades como puntu d’alcuentru de bienestar, recibiendo visitantes ilustres y persones que diben pola calidá del agua y de los tratamientos. Nel añu 1920 pasó a especializase nel envasáu y venta de la so agua mineral, abandonando la xera hotelera. En pocos años, l’agua embotellao algamó gran prestixu y reconocimientu. Los numberosos premios y menciones internacionales afítenlo bien.

La fonte de Boriñes ufierta un agua puro y sano por naturaleza. Un agua de mineralización débil que s’envasa n’orixe, talo como surde del sosuelu, ensin tratamientu químicu nin microbiolóxicu nengún. La so presentación nel mercáu, namás n’envase de vidriu, ye garantía de calidá y de respetu al mediu ambiente.

L’agua cubre’l 71% de la superficie de la Tierra que coincide cola proporción d’agua que compón el nuesu cuerpu y que na cerveza supón el 85-92%, siendo esti’l so componente mayoritariu. Poro, na fechura de cerveza ORDUM, l’agua tien una importancia vital.

La importancia del agua nel nuesu procesu de fabricación

La elección de les materies primes que vamos usar al crear una cerveza ye clave. La fabricación, anque pue paecer cenciella na so parte mecánica, ye complexa, porque cada procesu y resultáu dependen d’otros. Ye una cadena de reacciones químiques qu’hai que conocer, tanto pa diseñar la receta como pa controlar el so desendolcu. Ciertamente, xubir o baxar una temperatura na maceración, amestar más o menos llúpulu, amestar la malta y molelo ye relativamente cenciello; la dificultá ta en facer de toes estes decisiones la comunión perfecta p’agamar la cerveza que queramos. Nesti procesu nada pue pensase de forma aisllada.

Como bien esplica Boris de Mesones, Maestru Cerveceru pola VLB de Berlín y xuez en campeonatos como la World Beer Cup o’l European Beer Star, pero sobre manera, títulos aparte, un profesional y apasionáu que lleva abondos años dedicando tiempu y esfuerzu a esti mundu de la cerveza, «na antigüedá dicíase abierta y mui acertadamente que’l secretu de la cerveza ta na calidá del agua. Desconocíense los minerales dilíos nesta y el so efectu nel pH y les enzimes de la malta/cereales molíos

A midida que s’analizaba l’agua y entendiendo l’efectu positivu o negativu de los minerales con delles cargues d’iones nel pH, entamó a camudase con sales p’adaptalu a cada necesidá dependiendo del estilu de cerveza. Un pH más alto estrái los polifenoles y amargores punzantes del llúpulu y de les cascarielles de la cebada malteao. La cerveza resultante ye más áspero al paladar y la so bebilidá vese afectada negativamante»

Nel casu de cerveza ORDUM, l’Agua de Borines ye escelente pa la so fechura poles sos característiques.


«Na antigüedá dicíase abierta y mui acertadamente que’l secretu de la cerveza ta na calidá del agua».



A midida que s’analizaba l’agua, y entendiendo l’efectu positivu o negativu de los minerales con delles cargues d’iones nel pH, entamó a camudase con sales p’adaptalu a cada necesidá dependiendo del estilu de cerveza.