Noticies

Entrevista a nuestra maestra cervecera Blanca Fresno

Entrevista a nuestra maestra cervecera Blanca Fresno

Las cervezas artesanas están de moda. Tras triunfar en EE.UU. esta forma de hacer cerveza ha entrado con fuerza en Europa. España puede presumir de grandes cerveceras no tanto en tamaño como en calidad. Una de ellas es Ordum, que ha conseguido recientemente el Premios...

leer más
Ordum Mejor Lager de España  II Premio ABC

Ordum Mejor Lager de España II Premio ABC

Y los ganadores del II Premio ABC a la Mejor Cerveza Artesana de España son... Un jurado profesional selecciona las mejores cervezas artesanas de 2018 tras una cata celebrada en la Casa de ABC ABC Viajar @abcviajarActualizado:11/10/2018 09:42h Noticias relacionadas...

leer más
Tercer añu de Blanca Fresno na Copa de Cerveza Méxicu

Tercer añu de Blanca Fresno na Copa de Cerveza Méxicu

Esti añu, igual que n’anteriores ocasiones, la nuesa maestra cervecera Blanca Fresno va asistir como xuez internacional a la Copa de Cerveza de Méxicu, una competición que lleva años desendolcándose y qu’en cada edición tien mayor afluyencia de referencies...

leer más
III Salón de Cerveza Asturiano

III Salón de Cerveza Asturiano

Nel mes de marzu celebróse la tercer edición del Salón de Cerveza Asturiano qu’Ordum entama en Trascorrales en collaboración col Conceyu d’Uviéu. Esta vegada volvió a cuntase colos productores asturianos y, amás, como novedá participaron dalgunes marques nacionales de...

leer más

C+C, cerveza y cultura

La cerveza,
¿de qué y cómo se fai?

La cerveza ye una bebida de gran consumu nel nuesu país y nel mundu enteru. Seguro que lo visti, golisti y probasti más d’una vegada, pero non tol mundu sabe de qué y cómo se fai. ¿Quies conocer cual ye’l so procesu de fechura?

L’agua

Tan importante como que cada estilu de cerveza tien un perfil d’agua característicu afayadizu pa la so fechura, poro, cerveza ORDUM faise con Agua de Borines.

La malta

Ye’l resultáu d’un procesu. La malta como tal nun esiste de forma natural. Son granos de cebada xerminaos y turraos. El granu de cebada colléchase y trespórtase hasta la maltería onde s’esparde pel suelu d’una sala de dimensiones escomanaes y espónse a unes condiciones específiques d’humedá y temperatura pa que bilte (como cuando pones una llegume ente algodón húmedo y entama a salir un tallu pequeñu).

Esti procesu de xerminación párase nun momentu determináu aplicando calor pa eliminar tola humedá presente. Entós, el granu recuéyese y métese nun turrador cilíndricu que xira sobre sí mesmu, como si fuere’l tambor d’una llavadora. Ye ehí onde se-y da’l grau de turráu escoyíu.

El turráu fai qu’haya delles clases de malta, por exemplu lo pilsen, lo pale o lo «chicolate», y caúna d’elles aporta unes característiques distintes a la cerveza.

La malta usao pa facer la nuesa cerveza ye Weyermann Maltz.

El llúpulu

Ye una planta trepadora que nel nuesu país trabáyase sobre manera na zona de Lleón. A la cerveza da-y tastu, aroma y amargor. Amás ye un potente conservante. Amiéstase al mostu al final del procesu de fechura (anque hai delles técniques que se puen combinar ente sí).

Hopsteiner y Yakima Chief son los nuesos proveedores.

El lleldu

Ye una materia prima n’estáu vivu. Realmente, el maestru cerveceru trabaya pa ella, ye’l so chef, porque ye l’encargáu de preparar un mostu rico en zucre y mineral pa qu’ella d’últimes, dempués d’inxerise nel mostu tresforme’l zucre n’alcohol y CO2, dea arumes diferentes según la cepa escoyida y procesu fechu.

En cerveza ORDUM trabayamos con Fermentis Lesaffre for Berverages.

¿Y el procesu?

Dempués de seleccionar estos cuatro ingredientes el primer pasu a facer ye «LA MOLIENDA» de la malta. Darréu, esa malta molío amiéstase al agua y nesi momentu entama «EL MACERÁU», procesu dedicáu en convertir l’almidón de la malta en zucre lleldable. Acabáu esti pasu, separtamos la parte sólida del mostu y ponémoslo a ferver pa poder amestar finalmente’l llúpulu. Cuando acaba’l fervíu, volvemos a separtar la parte sólida (restos de llúpulu) del mostu y esfrecémoslo lo más rápido posible mientres lo trasegamos a un tanque onde amestaremos el lleldu qu’entamará a facer la cerveza.

Nel procesu productivu, como dicíamos, el lleldu producirá alcohol y CO2. Si conservamos esti gas producío de forma natural nun necesitaremos amestalo más sero, por eso dicimos que la nuesa cerveza nun lleva gas carbónico amestao, porque ye natural.

En remtando la producción, la cerveza aguardará madureciendo hasta’l momentu meyor pal so serviciu (ye lo que se conoz como’l lagering).

Diseñar d’oyíes

Cuando Blanca y Frankie me propunxeron diseñar la so marca y les sos etiquetes y me dixeron el nome namoréme del proyectu al traviés del oyíu. ORDUM ye sonoru, fondu, grave, densu, húmedu, monacal, una consonante allargada ente la nariz y la boca al final d’un cantu gregorianu. Ye fácil imaxinar un coru de graves rematando’l so cantu con un ORDUM escuru y eternu. Hai nomes que pol so soníu trescienden a la gráfica que los representa. Son aquellos que se lleen namás una vez y yá queden na cabeza. Si amás el productu ye tan atrayible como’l nome, dambos son irresistibles ya invencibles. Poro, nesti casu, el trabayu gráficu yera quiciabes obviu. Una tipografía rotunda, grebia, contundente… daqué que retumbe a la vista como’l soníu al oyíu. El logotipu buscaba la representación gráfica d’esa acústica; les sílabes «or» y «dum» xuníes ente elles de forma natural pol enllaz de la R a la D y de forma artificial ente vocales y consonantes al traviés d’un enllaz horizontal. La O cola R y la D cola U xúnense de forma direuta pa que la llectura nun franza igual que’l soníu del nome nun france. Esta continuidá enzarra amás otros valores de la propia cerveza. Tastu llargo, tragu allongáu, arume amplio… Nunca la mio nevera tuvo tan enllena de cerveza. Saborguiar tolos tipos de cerveza asturiano del mercáu foi una esperiencia. Tres d’esta preba escondíase alcontrar qué aspectu tien un sabor. La conclusión ye la que veis, la d’Ordum y la mía. Dende’l mio puntu de vista, tradición, actualidá, fortaleza, medievu… Una marca cuasi onomatopéyica.
El restu del trabayu, aplicar el logotipu a etiquetes, caxes, packs, furgoneta… ye un exerciciu de tipografía y orde. Cuntar lo qu’hai y cuntalo asitiándolo onde correspuende, ensin barriles nin monxos nin horros, nin decoraciones… El logotipu ye la etiqueta. Ye vertical pa da-y el mayor tamañu posible. Arródienla datos, códigos, descripciones… ensin adornos, ensin colores, como si fore una fórmula maxistral. La etiqueta que’l boticariu enllena y que na estantería rescampla por nun tener intención nenguna, convertiendo otres gráfiques n’intenciones escesives. Ye cerveza, ye natural… una cerveza nun pue paecer enxamás un refrescu. Dende equí un color de fondu, amás del negru y el códigu de colores metálicos definíu pa cada variedá.

Toi tranquilu. Sé qu’ORDUM nun se va vender pola etiqueta, sabíalo cuando vi a Blanca y a Frankie pola so pasión y compromisu col proyectu. Cuando lo prebé namás afité lo qu’imaxinaba. A cencielles, nun facía falta facer nada pa que la marca cuntare coses de la cerveza, namás facía falta tar a l’altura de les circunstancies y al llegar ehí, parar.

Queda Ordum por facer pero esi ecu, esi nome que nun pues escaecer, que ye imposible sacar de la cabeza… Paezse un poco a un namoramientu.

Nun soi un devotu del packaging pero esti casu, de dalgún mou, nun ye esi tipu de trabayu. A vegaes los diseñadores tenemos esta suerte. Gracies por dexame esfrutala.

Juan Jareño
Diseñu y Comunicación Gráfica