CA BELEÑO, ingrediente emocional d’ORDUM

En cada ORDUM, 30 años d’historia

«Val bien con cruciar l’antoxana del Ca Beleño pa notar, yá nel enllabanáu, que s’aportó a la estancia de lo mítico».

Con estes palabres definía’l críticu musical Aurelio Argel el Ca Beleño, un sitiu qu’abarcaba muncho más que lo esclusivamente hostelero. Foi pa munchos un templu de la cultura y la música en vivo, inclusive acullá de les nueses fronteres.

Cá Beleño: 30 años d’historia

En 1983, n’Asturies, naz el mui nomáu grupu de música folk Beleño, con dellos trabayos discográficos. Frank Delgado, ún de los sos integrantes, crea en 1987 el llocal Ca Beleño col envís de tener un espaciu onde la música en direuto, les xuntes de músicos y les tertulies con artistes y amigos seyan les pieces qu’entamen la vida del chigre. Nestos alcuentros, de tola vida, nel Ca Beleño acoricóse una xarra de cerveza coles manes. Munches son les figures que travesaron les sos puertes y ufiertaron conciertos malos d’escaecer, como los míticos grupos Tannahill Weavers, Capercaille, Paddy Keenan, Llan de Cubel, Felpeyu, Stormy Mondays, o Dervish.
Nel so procuru por dir anovando, en 2012 el Ca Beleño convirtióse nel primer brewpub d’Asturies.

Una idea

Tres vivir dellos años n’Hungría y en Centroeuropa, Frank tenía claro que n’Uviéu yera necesario poner una fábrica de cerveza como les d’aquellos países aú esta bebida ye parte de la dieta, tando mui presente nes sos vides. En 2009, Blanca y Frank entamen a trabayar pa facer d’esa idea una realidá y entamen colos primeros estudios. Trés años depués, el primeru de mayu de 2012, y tres d’una ceremonia de ritu celta (Beltaine), de los caños del Ca Beleño entamen a manar cerveza lager y de trigu (escanda asturiano).
ORDUM, la xuntura de lo sentimental, el Ca Beleño y lo natural, l’Agua de Borines.

ORDUM, la confluencia de lo sentimental, el Ca Beleño, y lo natural, el agua de Borines.

Un proyectu

Sinerxa ye una palabra clave n’ORDUM y ye que, nesi amestase, atopamos dos pieces fundamentales na producción de cerveza: el guañu d’ORDUM, el Ca Beleño, y l’agua de Borines, l’elementu que s’emplega en mayor porcentaxe na so fechura.

Una realidá

Enriba la fonte d’Agua de Borines, en Boriñes (Piloña), allúgase la nueva planta de producción d’ORDUM. Unes instalaciones encontaes nel históricu complexu d’esta marca, recuperáu a cuenta d’agospiar esti proyectu, pente medies d’un trabayu llaboriegu y minuciosu de restauración enfotáu en caltener los sos raigaños y el so calter. Recoyendo’l testigu de la historia, de la memoria, pa facela parte d’esta dómina nueva qu’agora emprima.

REHABILITACIÓN | VER GALERÍA